Дастаи наврасони Тоҷикистон дар бозии даври аввали мусобиқоти қаҳрамонии Ассотсиатсияи футболи Осиёи Марказӣ, ки дар шаҳри Ҳисор баргузор гардида истодааст, бар тими ҷавонони Афғонистон бо ҳисоби 3:1 ғолиб омад.
Пирӯзии дастаи наврасони Тоҷикистонро дубли Муҳаммад Назриев ва голи Парвиз Бобоназаров таъмин намуд. Дар вохӯрии дигар дастаи ҷавонони Ӯзбекистон бар тими Қирғизистон бо ҳисоби 2:0 пирӯзӣ ба даст овард.
Бозиҳои даври дигар рӯзи 23-август баргузор мешаванд. Дар ин рӯз вохӯриҳои Эрон-Афғонистон соати 18:00 ва рақобати Тоҷикистон бо Қирғизистон соати 21:00 баргузор мегарданд.
Бояд қайд намоем, ки дар доираи Чемпионати ҷавонони CAFA-2023 дар умум 10-бозӣ баргузор мешавад. Дастаи ғолиб аз рӯи шумораи бештари имтиёзҳо муайян карда мешавад.