Кумитаи бехатарии озуқавории назди Ҳукумати Ҷумҳурии Тоҷикистон бо мақсади пазируфтани афроди ихтисосманд ба вазифаҳои холӣ дар ин Кумита озмун эълон кардааст. Дар ин хусус сомонаи расмии Кумитаи бехатарии озуқаворӣ хабар дода, мансабҳои холӣ, талабот барои қабул ба кор ва тафсилоти дигарро ироа кардааст.
Дастгоҳи марказии Кумита
1. Муовини сардори Раёсат Сардори шуъба назорати байтории Раёсати назорати байторӣ ва зотпарварӣ 1 ҷой, маоши мансабӣ 2585,15 сомонӣ.
2. Сармутахассиси шуъбаи назорати зотпарварии Раёсати назорати байторӣ ва зотпарварӣ 1 ҷой, маоши мансабӣ 1577,00 сомонӣ.
3. Мутахассиси шуъбаи фитосанитарӣ ва карантинӣ Раёсати назорати фитосанитарӣ, карантинӣ ва тухмӣ 1 ҷой, маоши мансабӣ 1062,40 сомонӣ.
4. Мутахассиси пешбари шуъбаи назорати тухмӣ Раёсати назорати фитосанитарӣ, карантинӣ ва тухмӣ 1 ҷой, маоши мансабӣ 1286,50 сомонӣ.
5. Сармутахассиси шуъбаи таъминоти ҳуқуқӣ ва кадр 1 ҷой, маоши мансабӣ 1577,00 сомонӣ.
6. Мутахассиси шуъбаи муҳосибот ва молия 1 ҷой, маоши мансабӣ 1062,40 сомонӣ.
7. Мутахассиси пешбари шуъбаи робитаҳои байналмилалӣ 1 ҷой, маоши мансабӣ 1286,50 сомонӣ.
8. Мутахассиси бахши иттилоот ва робита бо ҷомеа 1 ҷой, маоши мансабӣ 1062,40 сомонӣ.
Раёсати Кумита дар сарҳади давлатӣ ва нақлиёт
9. Сармутахассис ҳуқуқшиноси Раёсати Кумита 1 ҷой, маоши мансабӣ – 1502,30 сомонӣ.
10. Мутахассис оид ба назорати фитосанитарӣ, карантинӣ ва тухмии шуъбаи Раёсати Кумита дар вилояти Хатлон 1 ҷой, маоши мансабӣ – 962,80 сомонӣ.
Раёсати Кумита дар ВМКБ
11. Мутахассиси пешбари бахши назорати байторӣ ва зотпарварии Раёсати Кумита дар ВМКБ 1 ҷой, маоши мансабӣ – 1591,40 сомонӣ.
Раёсати Кумита дар вилояти Суғд
12. Мудири бахши назорати байторӣ ва зотпарварӣ 1 ҷой, маоши мансабӣ – 2297,58 сомонӣ.
13. Мутахассиси бахши назорати фитосанитарӣ, карантинӣ ва тухмӣ 1 ҷой, маоши мансабӣ – 1134,11 сомонӣ.
Раёсати Кумита дар вилояти Хатлон
14. Сармутахассис ҳуқуқшиноси Раёсати Кумита 1 ҷой, маоши мансабӣ 1502,30 сомонӣ.
Эзоҳ: Иловапулӣ ба маоши мансабӣ барои собиқаи хизмати давлатӣ ҳар моҳ ба андозаи муқарраргардида пардохт карда мешавад.
Ба озмун ҳуҷҷатҳои зерин пешниҳод карда мешаванд:
ариза ба унвони роҳбари мақомот (шакли муқарраршуда);
варақаи шахсии баҳисобгирии кадрҳо;
2 дона расми рангаи 4х6 ва 2 дона 3х4;
тарҷумаи ҳол;
нусхаи шиноснома;
нусхаи ҳуҷҷатҳо (диплом) дар бораи таҳсилот ва замимаи он;
нусхаи гувоҳномаи рақами мушаххаси андозсупоранда (ИНН);
нусхаи дафтарчаи меҳнатӣ (агар собиқаи корӣ бошад);
маълумот дар бораи даромад аз вазъи молу мулк (эъломия);
нусхаи шаҳодатномаи дахлдори сабти асноди ҳолати шаҳрвандӣ;
нусхаи билети ҳарбӣ;
маълумотномаи ҷойи истиқомат ва ҳайати оила;
суғуртаи иҷтимоии нафақавӣ (СИН);
маълумотнома (справкаобъективка) хаттӣ ва электронӣ.
маълумотнома оид ба доштан ва ё надоштани доғи судӣ;
маълумотномаи тиббӣ (шакли 038у);
Талаботи тахассусӣ
барои ишғоли мансабҳои маъмурии хизмати давлатӣ
Таҳсилоти олии байторӣ, агрономӣ, иқтисодӣ, ҳуқуқшиносӣ ва гуманитарии ба ишғоли мансаби холӣ мувофиқ, ки иҷрои самараноки вазифаҳои мансабии мазкури хизмати давлатиро таъмин карда тавонад, донистани муқаррароти Конститутсияи Ҷумҳурии Тоҷикистон, санадҳои меъёрии ҳуқуқии соҳаи бехатарии озуқаворӣ, Қонуни Ҷумҳурии Тоҷикистон «Дар бораи хизмати давлатӣ», забони давлатӣ ва тавонистани кор бо технологияҳои иттилоотӣ.
Ба мансаби муовини сардори Раёсат сардори шуъба 2 сол собиқаи хизмати давлатӣ дар мансабҳои категорияи сеюм ё 5 сол собиқаи умумии хизмати давлатӣ ё 6 сол собиқаи умумии меҳнатӣ инчунин ба мансаби мудири бахш, сармутахассис, мутахассиси пешбар ва мутахассис шахсоне, ки мутаносибан 4, 3 ва 1 сол собиқаи умумии корӣ ва ё 3, 2 сол собиқаи хизмати давлатӣ доранд, инчунин дорои донишу малакаи роҳбарӣ, идоракунӣ ва банақшагирии раванди кор бо тобеон мебошанд, метавонанд довталабӣ намоянд.
Суроғаи қабули ҳуҷҷатҳо
Ариза ва ҳуҷҷатҳо барои иштирок намудан дар озмун дар давоми 21 рӯз аз лаҳзаи нашри эълон дар нашрияҳои расмӣ дар бинои Кумитаи бехатарии озуқавории назди Ҳукумати Ҷумҳурии Тоҷикистон бо суроғаи шаҳри Душанбе, кӯчаи Теҳрон 21 қабул карда мешаванд.
Телефон барои тамос: 2-23-16-51 Шуъбаи таъминоти ҳуқуқӣ ва кадр.