Дар натиҷаи қуръакашии марҳилаи ниҳоии Ҷоми Осиё-2023 мунтахаби ҷавонони Тоҷикистон (U-20) дар гурӯҳи “С” қарор гирифт ва бо тимҳои Кореяи Ҷанубӣ, Урдун ва Уммон бозӣ мекунад. Ҷоми Осиё байни ҷавонон аз 1-ум то 18-уми март дар кишвари Ӯзбекистон баргузор мешавад.
Дар ҷараёни қуръакашӣ, ки имрӯз, 26-октябр дар Тошканд баргузор шуд, 16-даста ба 4-гурӯҳ – “А”, “В”, “С” ва “D” тақсим шуданд, ки ҳар кадом аз 4-даста иборат аст.
Пас аз ҷамъбасти Ҷоми Осиё-2023 миёни ҷавонон дар Ӯзбекистон 4-дастаи беҳтарин ба мусобиқоти қаҳрамонии ҷаҳон, ки соли оянда дар Индонезия баргузор мешавад, роҳхат мегиранд.
Натиҷаи қуръакашии даври ниҳоии Ҷоми Осиё-2023 байни дастаҳои ҷавонони то 20-сола:
Гурӯҳи “А”: Ӯзбекистон, Индонезия, Ироқ, Сурия.
Гурӯҳи “В”: Қатар, Австралия, Ветнам, Эрон.
Гурӯҳи “С”: Кореяи Ҷанубӣ, Тоҷикистон, Урдун, Уммон.
Гурӯҳи “D”: Арабистони Саудӣ, Ҷопон, Чин, Қирғизистон.