Хадамоти гумруки назди Ҳукумати ҶТ дар нимсолаи аввали соли равон корҳои муайянеро ба анҷом расонида, гардиши мол бо давлатҳои хориҷи наздик 1 млрд 751,4 млн долларро ташкил додааст, ки баробари 47,2% аз гардиши тиҷорати хориҷии ҷумҳурӣ мебошад.
Тавре Малоҳат Тоҳирова хабарнигори радиои “Тоҷикистон” аз раванди нишаст хабар медиҳад, содирот 388.9 млн долларро ва воридот 1 362, 5 млн долларо ташкил додааст. Ба таъкиди сардори Хадамоти гумруки НҲ ҶТ Хуршед Каримзода гардиши мол бо давлатҳои хориҷи наздик нисбат ба ҳамин давраи соли гузашта ба маблағи 386,7 млн доллар ё 28,3% афзоиш ёфтааст.
Содирот бошад ба миқдори 148,8 млн доллар ё 62%, воридот ба маблағи 237,9 млн доллар ё 21,2% зиёд шудааст.