Интизор меравад, ки моҳи июни соли равон агрегати якуми Неругоҳи барқи обии «Себзор» бо иқтидори 3,6 МВт ба истифода дода шавад, иттилоъ медиҳад АМИТ «Ховар» бо истинод ба Вазорати энергетика ва захираҳои оби Ҷумҳурии Тоҷикистон.
Тавре иттилоъ дода мешавад, то имрӯз 85 дарсади корҳои сохтмонӣ дар неругоҳ ба анҷом расидааст.
Неругоҳи барқи обии «Себзор» бо иқтидори 11 МВт дар дарёи Шоҳдара сохта шуда, баъди мавриди истифода қарор дода шудани он иқтидори умумии энергетикӣ дар Вилояти Мухтори Кӯҳистони Бадахшон 25 дарсад меафзояд.