Хоҷагиҳои деҳқонии вилояти Суғд, Хатлон ва Вилояти Мухтори Кӯҳистони Бадахшон бо нурии минералӣ, тухмии хушсифат ва тухмии хурокворӣ таъмин мегарданд. Ин нуқта зимни вохўрии Вазири кишоварзии Ҷумҳурии Тоҷикистон Салимзода Амонулло бо роҳбари Намояндагии агентии Ҷопон оид ба ҳамкориҳои байналмиллалӣ дар Ҷумҳурии Тоҷикистон Хидеки Танабэ таъкид гардид. Дар ин бора Радио «Овози тоҷик» ба истинод ба Вазорати кишоварзии Ҷумҳурии Тоҷикистон хабар медиҳад.Мулоқоти корӣ санаи 4-уми сентябри соли равон бо мақсади дастгирии хоҷагиҳои деҳқонию фермерӣ ва барои баланд бардоштани ҳосилнокии зироатҳои кишоварзӣ дар давраи паҳн гардидани бемории сироятии COVID-19, бо дархости Вазорати кишоварзии Ҷумҳурии Тоҷикистон ва дастгирии Агентии Ҷопон оид ба ҳамкориҳои байналмиллалӣ барои тафоҳуми ҳамкории техникӣ (грантӣ) доир гардид.
Мулоқот дар фазои дӯстӣ ва ҳамдигарфаҳмӣ сурат гирифта, тарафҳо барои тақвият додан ба ҳамкориҳои минбаъда изҳори омодагӣ намуданд.