21 августи соли 2023 вазири корҳои хориҷии Ҷумҳурии Тоҷикистон Сироҷиддин Муҳриддин намояндаи вежаи дабири кулли Созмони Милали Муттаҳид (СММ), роҳбари навтаъйини Маркази минтақавии СММ оид ба дипломатияи боздоранда барои Осиёи Марказӣ (UNRCCA) Каха Имнадзеро ба ҳузур пазируфтааст.
Тавре Вазорати корҳои хориҷии Ҷумҳурии Тоҷикистон хабар медиҳад, зимни вохӯрӣ ҷонибҳо масоили тақвияти бештари ҳамкорӣ дар самти мубориза бо хатару чолишҳои замони муосир, аз ҷумла терроризму экстремизм, инчунин таъмини рушди устувор дар Осиёи Марказиро мавриди муҳокима қарор доданд.