20 декабр дар меҳмонхонаи «Crownе Plaza»-и шаҳри Душанбе Конгресси навбатии Федератсияи футболи Тоҷикистон баргузор мешавад. Дар ин бора едератсияи футболи Тоҷикистон хабар додааст.
Ба иттилои манбаъ, рӯзномаи Конгресс масъалаҳои зеринро дар бар мегирад:
Тасдиқи протоколи қаблии Конгресси Федератсияи футболи Тоҷикистон аз 14 декабри соли 2024;
Ҳисобот дар бораи фаъолияти Федератсияи футболи Тоҷикистон барои соли 2025;
Ҳисоботи фаъолияти молиявии Федератсияи футболи Тоҷикистон барои соли 2024;
Тасдиқи буҷаи Федератсияи футболи Тоҷикистон барои соли 2026;
Ҳисоботи аудитори мустақил дар бораи ҳисоботи молиявии Федератсияи футболи Тоҷикистон барои соли 2024.
Намояндагони ФИФА ва Конфедератсияи футболи Осиё дар Конгресси навбатии Федератсияи футболи Тоҷикистон иштирок хоҳанд кард.