Дар хоҷагиҳои деҳқонӣ ва ҷамоавии ҷумҳурӣ шудгор ва кишти баҳории зироатҳои кишоварзӣ ҷараён дошта, то санаи якуми апрели соли ҷорӣ шудгор 593517 гектар ва кишти баҳорӣ дар майдони 102522 гектар гузаронида шуд. Аз ҷумла, ғалладонагиҳо 46623 гектар, гандум 19350 гектар ва ҷав 24604 гектар мебошад, пахта 5391 гектар, зиратҳои равғандиҳанда 11247 гектар, картошка 9512,8 гектар, сабзавот 21172 гектар аз он пиёз 14205 гектар, сабзӣ 2552 гектар, карам 1156 гектар, помидор 416 гектар, бодиринг 398 гектар, дигар сабзавотҳо дар майдони 2445 гектар, полизӣ 2856 гектар ва зироати хӯроки чорво 5575 гектар кишт карда шуд.
Дар доираи амалӣ намудани “Барномаи рушди соҳаи боғу токпарварӣ ва ситруспарварии Ҷумҳурии Тоҷикистон барои солҳои 2025-2029” бунёд ва барқарорсозии боғу токзор бомаром идома дорад.
Тавре аз вазорати кишоварзии ҶТ хабар доданд, то санаи якуми апрел ҳамагӣ дар майдони 272 гектар боғу токзори нав бунёд карда шуд, ки аз он боғ 243 гектар ва токзор 29 гектар буда, барқароркунии боғу токзори куҳна 2064 гектар, аз он боғ 1833 гектар ва токзор 232 гектар дар бар мегирад.
Ҳамзамон, ба ҳолати 01.04.2025 дар ҷумҳурӣ 997 адад гармхонаҳои доимамалкунанда мавҷуд аст ва майдони умумии гармхонаҳо 174 гектар буда, дар майдони 117,6 гектар кишт гузаронида шудааст, ки аз он помидор 61,5 гектар, бодиринг 25,5 гектар ва дигар сабзавотҳо 30,6 гектарро ташкил медиҳад. Аз майдони умумии киштшуда ҳамагӣ ба миқдори 781,4 тонна сабзавот, аз он помидор 321,1 тонна, бодиринг 76,5 тонна ва дигар сабзавотҳо 383,8 тонна мебошад.
Тибқи иттилои Вазорати кишоварзии ҶТ то 01.04.2025 дар гармхонаҳои мавсимӣ дар ҳамаи шаклҳои хоҷагидории ҷумҳурӣ ҳамагӣ майдони 2754 гектар кишти сабзавот гузаронида шудааст, ки аз он помидор 915 гектар, бодиринг 756 гектар ва дигар сабзавотҳо 1083 гектарро ташкил медиҳад.
Дар асоси маълумотҳои Раёсати чорводорӣ, парандапарварӣ, моҳипарварӣ ва занбӯриасалпарварии вазорат аз хоҷагиҳои ҷамоавӣ ва деҳқонии ҷумҳурӣ тибқидурнамо 449221 сар барраю бузғола насл гирифта шавад.
Ба ҳолати 01.04.2025 289799 сар барраю бузғола гирифта шудааст, ки нисбати ҳамин давраи соли гузашта 14971 сар зиёд буда, ба 100 сар меш ва модабуз 58 сар рост меояд. Айни замон маъракаи наслгирӣ бо маром идома дорад.