Аз 7 то 11 апрели соли равон дар шаҳри Душанбе ҷаласаи 27-уми Комиссияи Иттиҳоди минтақавӣ дар соҳаи алоқа доир ба танзими спектри радиобасомад ва мадори ҳамвораӣ баргузор мегардад.
Дар ин бора сомонаи Хадамоти алоқа хабар дода, навиштааст, ки дар ин ҳамоиш масъалаҳои гуногун дар соҳаи алоқаи барқии кишвар ва танзими истифодаи спектри радиобасомад ва мадори моҳвораӣ баррасӣ гардида, ҷаласаҳои гурӯҳҳои корӣ дар чанд бахш сурат мегирад.
Ҳамчунин дар доираи чорабиниҳои гуногун, аз қабили Форуми «Табдили рақамӣ: дурнамо ва роҳҳои ҳал», Форуми «Табдили рақамӣ: дурнамо ва роҳҳои ҳал», Намоишгоҳи технологияҳои иттилоотию коммуникатсионӣ, ба нақша гирифта шудааст.
Ба иттилои манбаъ, иштирокчиёни Комиссияи ҷаласаи мазкур аз 19 кишвар ва намояндагони Иттиҳоди байналмилалии алоқаи барқӣ (ITU) дават гардидаанд.
Комиссияи Иттиҳоди минтақавӣ дар соҳаи алоқаи барқӣ доир ба танзими истифодаи спектри радиобасомад ва мадори моҳвораӣ ҳар сол ду маротиба ҷаласаҳои худро дар тамоми кишварҳо аъзо баргузор менамояд.