Шоми гузашта дастаи “Равшан”-и Кӯлоб дар бозии даври аввали марҳилаи гурӯҳии Лигаи дуюми қаҳрамонҳои Осиё, дар гурӯҳи “А” бо дастаи “Моҳун Баган”-и Ҳиндустон вохӯрӣ анҷом дода, мусовӣ кард.
Бозии мазкур дар варзишгоҳи “Ҷавонӣ”-и шаҳри Калкутаи Ҳиндустон доир гардида, 0 бар 0 ба охир расид.
Ба ҳамин тартиб дастаҳо соҳиби як имтиёзӣ гардиданд.
Бозии дигари ин гурӯҳ миёни дастаҳо “Ал-Вақра”-и Қатар ва “Трактор Созӣ”-и Эрон дар Қатар доир гардида, бо ҳисоби 0 бар 3 ба нафъи дастаи эронӣ ба охир расид.
Тартиби ҷойгиршавии дастаҳо дар гурӯҳи “А” пас аз як давр чунин аст:
- “Трактор Созӣ” – 3 имтиёз
- “Равшан” – 1 имтиёз
- “Моҳун Баган” – 1 имтиёз
- “Ал-Вақра” – 0 имтиёз
Ҳамакунун дар даври дуюми марҳилаи гурӯҳии мусобиқа санаи 2 октябр, “Равшан” бо “Ал-Вақра”-и Қатар дар Варзишгоҳи марказии шаҳри Душанбе вохӯрӣ анҷом дода, “Трактор Созӣ” дар хонаи худ “Моҳун Баган”-ро қабул мекунад.
Рустами Зоир
радиои “Тоҷикистон”