Дастаи мунтахаби футзали Тоҷикистон зери роҳбарии Пайрав Воҳидов дар марҳилаи интихобии Ҷоми Осиё-2024 дар гурӯҳи «Е» ҷойи аввалро касб намуда, ба қисмати ниҳоии мусобиқа роҳ ёфт.
Мунтахаби Тоҷикистон дар даври ниҳоии марҳилаи интихобии Ҷоми Осиё-2024 бар тими Мянмар бо ҳисоби 3:0 пирӯзӣ ба даст овард. Голҳоро аз дастаи футзали кишвар Файзалӣ Сардоров, Идрис Ёров ва Комрон Алиев ба самар расониданд.
Ба ин тартиб тими мунтахаби футзали Тоҷикистон дар се бозии интихобӣ ғолибият ба даст овард. Қаблан футзалбозони мо бар дастаҳои Ҳиндустон (6:3) ва Фаластин (6:1) ғалаба карда буданд.
Бояд қайд намоем, ки мунтахаби футзали Тоҷикистон маротибаи 12-ум дар Ҷоми Осиё оид ба футзал иштирок менамояд. Ҷоми Осиё оид ба футзал соли оянда аз 17-ум то 28-уми апрел дар Тайланд баргузор мешавад.
Марҳилаи интихобии Ҷоми Осиё-2024 оид ба футзал:
Гурӯҳи «E»
Даври 3-юм
Тоҷикистон – Мянмар – 3:0
Голҳо: Файзалӣ Сардоров, 11 (1:0). Идрис Ёров, 12 (1:0). Комрон Алиев, 13 (3:0).
Беҳтарин бозигари вохӯрӣ: Файзалӣ Сардоров (Тоҷикистон).