Хабар

Собиқадорони Тоҷикистон дар паради Ғалаба дар шаҳри Москва иштирок мекунанд

PDFПечать

Sobikadori JBV Mirzo-BekmatovСе собиқадори Ҷанги Бузурги Ватанӣ аз Тоҷикистон — Мирзо Бегматов, Шариф Ғафуров ва Назар Ашуров бо даъвати Ҳукумати Федератсияи Россия дар тантанаҳои идона бахшида ба 75-солагии Ғалаба дар Москва ширкат мекунанд, хабар медиҳад Sputnik.

Дар хабари Агентии иттилоотии Россия инчунин гуфта шудааст, ки собиқадорони ҷанг Мирзо Бегматов ва Шариф Ғафуров ҳамроҳ бо писарони худ ба пойтахти Россия меоянд. Ба собиқадор Назар Ашуров наберааш кумак мекунад.

Тавре қаблан хабар дода будем, дар паради Ғалаба, ки дар майдони Сурх баргузор мешавад, хизматчиёни низомӣ аз Тоҷикистон ширкат меварзанд.

Боз як ротаи муттаҳидаи Вазорати мудофиаи Ҷумҳурии  Тоҷикистон дар паради ҳарбии Ғалаба, ки 9 май дар Екатеринбург баргузор мешавад, ширкат хоҳад кард.

 

ДАР СУРАТ: собиқадори Ҷанги Дуюми Ҷаҳон, иштирокчии амалиёти машҳури “Багратион” барои озодкунии Беларус Мирзо Бекматов.

Манбаъ: АМИТ «Ховар»

 

«Забони модариро пос дорем»-таҳти ин унвон дар Донишгоҳи давлатии омӯзгории Тоҷикистон ҳамоиши илмӣ доир гардид

PDFПечать

Zaboni modariro pos dorem21.02.2020. Имрӯз дар Донишгоҳи  давлатии омӯзгории Тоҷикистон ба номи Садриддин Айнӣ бахшида ба Рӯзи байналмилалии забони модарӣ таҳти  унвони «Забони модариро пос дорем» ҳамоиши илмӣ-амалӣ доир гардид.

Зимни он ректори  Донишгоҳ, профессор Нуъмонҷон Ғаффорӣ оид ба ҳифзи забонҳои модарӣ дар шароити ҷаҳонишавӣ, иқдомҳои Ҳукумати Ҷумҳурии Тоҷикистон дар ин самт ва фароҳам овардани шароити мусоид барои рушди забони модарӣ ибрози назар  намуд.

Профессори кафедраи забони тоҷикии Донишгоҳи мазкур Саидмуроди Хоҷазод оид ба «Нақши Паёми Президенти Ҷумҳурии Тоҷикистон дар рушди забони миллӣ» маърӯза намуд. Мавсуф зикр намуд, ки  «ҷиҳати амалӣ намудани нуктаҳои меҳварии Паёми Президенти Ҷумҳурии Тоҷикистон роҳбарияти ДДОТ ба номи С.Айнӣ ба омӯзиши забони тоҷикӣ диққати калон медиҳад. Омӯзиши забони тоҷикӣ дар 13 факултети донишгоҳ ба роҳ монда шудааст. Омӯзиши забони тоҷикӣ дар муассисаҳои олии мамлакат ҷавобгӯи талаботи замон мебошад. Барномаҳои таълимӣ, комплексҳои методӣ- таълимӣ, китобу воситаҳои таълимӣ барои омӯзандагони забони тоҷикӣ комилан фароҳам аст».

Тавре Президенти Ҷумҳурии Тоҷикистон муҳтарам Эмомалӣ Раҳмон дар Паёми навбатиашон 26 декабри соли 2019 иброз намуданд, «мо бояд забони шево ва шоиронаи тоҷикиро мисли модар ва Ватани худ дӯст дорем ва онро ҳамчун гавҳари бебаҳои ҳастиамон ҳифз кунем. Забон оинаест, ки дар он симои пурҷилои миллат равшан инъикос мешавад ва мо бояд ба қадри ин нишонаи ҳастии миллатамон расем».

Дар ҷамъбасти ҳамоиши илмӣ аз ҷониби донишҷӯён бо забонҳои тоҷикӣ, русӣ, ӯзбекӣ, туркманӣ, фаронсавӣ, куриёӣ, вахонӣ ва шуғнонӣ пораҳои шеърӣ қироат шуданд.

 

Манбаъ: АМИТ «Ховар»

 

Артиши миллии Тоҷикистон аз ҷумлаи пурқувваттарин қувваҳои мусаллаҳи минтақа ҳисобида мешавад

PDFПечать

Ruzi-artishi-milli-5Тибқи баҳогузории коршиносони ҷаҳониву минтақавии соҳа, Артиши миллии Тоҷикистон бинобар ҷангдида ва корозмуда будан яке аз пурқувваттарин қувваҳои мусаллаҳи минтақа ҳисобида мешавад. Ин дар ҳолест, ки ҳамасола дар Тоҷикистон 23 феврал Рӯзи таъсиси Артиши миллии Ҷумҳурии Тоҷикистон таҷлил гардида, имсол ба ин санаи муҳим 27 сол пур мешавад. 

Тавре  корманди Кумитаи кор бо ҷавонон ва варзиши назди Ҳукумати Ҷумҳурии Тоҷикистон Саодат Ҳусайнӣ зимни суҳбат ба хабарнигори АМИТ «Ховар» иброз дошт,  давлатро бе таърих, фарҳанг ва Артиши миллӣ тасаввур намудан ғайриимкон аст. Аз лаҳзае, ки Ҷумҳурии Тоҷикистон худро ҳамчун давлати демократӣ, ҳуқуқбунёд, дунявӣ ва ягона дар арсаи байналмилалӣ эълом намуд, аввалин коре, ки ба анҷом расонид, ин таъсиси Артиши миллӣ  буд.

«Артиши миллӣ дар даврони соҳибистиқлолӣ марҳила ба марҳила қавитар гардида, бо дастгириҳои Сарфармондеҳи  Олии Қувваҳои Мусаллаҳи Ҷумҳурии Тоҷикистон муҳтарам Эмомалӣ Раҳмон бо техникаву таҷҳизоти замони муосир таъмин шуд. Имрӯз тамоми шароити арзанда дар ин самт муҳайё буда, ҷавонони аз ҷиҳати ҷисмонӣ обутобёфта, зираку чолок, ватандӯсту меҳанпараст, худшиносу худогоҳ сарбаландона адои хизмат  менамоянд», — гуфт номбурда.

Ба зикри  Саодат Ҳусайнӣ, агар имрӯз яке аз ҳадафҳои асосии давлату Ҳукумати мамлакат татбиқи босамари сиёсати давлатии ҷавонон ба ҳисоб равад, пас яке аз самтҳои афзалиятноки Кумитаи кор бо ҷавонон ва варзиши назди Ҳукумати Ҷумҳурии Тоҷикистон- ин самти ватанпарастӣ ва ҳувияти миллии насли наврасу ҷавон ба шумор меравад. Аз ин рӯ  Кумита ҳамасола ҳамкории судманд ва нақшаи чорабиниҳои муштаракро бо сохторҳои қудратию низомии мамлакат  таҳия намуда, дар доираи «Барномаи тарбияи ватандӯстӣ ва таҳкими ҳувияти миллии ҷавонони Ҷумҳурии Тоҷикистон барои солҳои 2018-2022»  ҳамоишҳои гуногун баргузор менамояд.

МУФАССАЛ...

 
 

АЗ ҚАЪРИ ҚАРНҲО: олимон дар қалъаи Карони ноҳияи Дарвоз расадхона кашф намуданд!

PDFПечать

Бостоншиносони тоҷик зимни баргузории ҳафриёти навбатӣ дар қалъаи Карони ноҳияи Дарвоз аз зери хок расадхонаи ситорашиносӣ ва дигар нигораҳои қадимӣ пайдо намуданд. Ин расадхона дар қисми ҷанубу ғарбии қалъа ҷойгир буда, паҳноияш 8 метр ва дарозиаш низ ба ҳамин андоза мебошад.

Деворҳои расадхона бо  ранги сурх оро ёфта, дар рӯи фарш мизи чоркунҷаи сангин ва дар болои он сангҳои хурди секунҷаву шашкунҷа ба назар мерасанд. Як қисми асбобҳо аз чӯб омода шуда, бо мурури замон хароб гаштаанд.  Боми хона гумбазшакл ва боз аст.

Доктори илмҳои таърих Юсуфшоҳи Яъқубшоҳ, ки зиёда аз шаш сол боз ба омӯзиши ин қалъа машғул аст, изҳор намуд, ки “аксари асбоби расадхона аз сангу чӯб омода шуда будаанд, аммо асбоби чӯбин бо мурури солҳо хароб гардидаанд.

То ин давра танҳо қисмҳои сангии онҳо боқӣ мондаанд, ки онҳо бо шаклу намуди зоҳирии худ ҳар касро ба ҳайрат мегузоранд. Бо кадом асбоб ва чӣ гуна ин сангҳоро буридаанд, ин мавзӯи дигар аст. Баъди тадқиқоти қаблӣ мо ба ин хулоса омадем, ки сангҳои секунҷаву шашкунҷа вазифаи тақвимро иҷро мекунанд. Дар рӯи сангҳо ба як тартиб ситораҳо, рӯзҳои ҳафта ва ҳуруфоти ҳанӯз номаълум ҳаккокӣ шудаанд. Дар рӯи санги суфтаи дигар ҳарфҳо бо алифбои арабӣ дарҷ ёфтаанд. Ин аз он шаҳодат медиҳад, ки қалъаи мазкур пеш аз пайдоиши дини ислом вуҷуд доштааст ва то асрҳои 16-17 бо ҳамон шаклии аввалааш расидааст. Аммо баъдан бар асари тағйироти иқлим хароб гардида, сокинони ин қалъа ба сабаби беобӣ ба мавзеи Қалъаихумб кӯч бастаанд”.

Доктори илмҳои таърих Юсуфшоҳи Яъқубшоҳ гуфт, ки кофтукови археологиро аз баҳори соли оянда оғоз мекунад ва боварӣ дорад, ки чандин асрори пӯшидаи ин қалъаро барои ҳамзамонони худ мекушояд.

 

Ҷамшед Нурмуҳаммадзода:«Муътадил гардидани қурби асъори хориҷӣ ба талабот вобаста аст»

PDFПечать

Bonki-Milli-3Талабот ба доллари амрикоӣ дар Тоҷикистон дар як рӯз 25 миллион долларро ташкил медиҳад. Ин нуктаро Раиси Бонки миллии Тоҷикистон  Ҷамшед   Нурмуҳаммадзода 24 июл дар ҷамъи хабарнигорон дар Душанбе зикр намуд. Мавсуф муътадил гардидани қурби асъори хориҷӣ-доллари  амрикоиро дар мамлакат ба қонеъ гардонидани талаботи соҳибкороне, ки ба воридот машғуланд, рабт дода, зикр намуд, ки норасоии асъори  хориҷӣ хусусияти мавсимӣ дошта, он вобаста ба талаботи шахсони воқеию ҳуқуқӣ  дар шашмохаи аввали сол мушоҳида мегардад ва батадриҷ муътадил  мегарад.

Ҷамшед Нурмуҳаммадзода зикр намуд, ки ташкилотҳои қарзии мамлакат ҳар рӯз бо маблағи аз 2 то 15 миллион доллар таъмин карда мешаванд.  Зикр гардид, ки Бонки миллии Тоҷикистон  зарфи соли равон  сиёсати реҷаи  қурбии «шинокунандаи  танзимшаванда, бе муайян ва эълон кардани  ҳудудҳои  тағйирёбии қурб»-ро идома додааст.

 
 

Саҳифаи 2 аз 101

Back to Top