Хабар

Дастаи мунтахаби ҷавонони то 18-солаи мамлакат ба Санкт-Петербург меравад

futbolДастаи мунтахаби ҷавонони то 18-солаи мамлакат оид ба футбол марҳалаи дуюми омодагиро ба мусобиқаи байналмилалӣ барои хотира ва ҷоизаи аввалин ноиби президенти ФИФА Валентин Гранаткин, ки дар шаҳри Санкт-Петербурги Россия барпо мегардад, шурӯъ кард.
Сармураббии даста Виталий Левченко ин дафъа 22 бозингарро ба машқҳо даъват кардааст. Баробари ба анҷом расидани тамринҳо футболбозони мо дар ҳайати 18 бозингар ба макони баргузории мусобиқа сафар мекунанд.
Ёдрас мешавем, ки дар мусобиқаи байналмилалӣ барои хотира ва ҷоизаи Валентин Гранаткин 16 даста аз кишварҳои гуногуни ҷаҳон ширкат меварзанд.
Дастаи мунтахаби Тоҷикистон дар як гурӯҳ бо Юнон (8 январ), Булғория (10 январ) ва Эстония (12 январ) бозӣ мекунад.

 

 

Мулоқоти Пешвои миллат бо фаъолону сокинони ноҳияи Мир Сайид Алии Ҳамадонӣ

28505522061 9fb58e4259 z27.07.2016  Дар боғи марказии фарҳангию фароғатии ноҳияи Мир Сайид Алии Ҳамадонӣ Асосгузори сулҳу Ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон пас аз ифтитоҳи як қатор иншооти таъиноти гуногун ва шиносоӣ бо вазъи зиндагии мардум бо фаъолону сокинони ноҳия мулоқоти самимӣ доир намуд.

Нахуст Сарвари давлат Эмомалӣ Раҳмон ба мардуми заҳматкаши ноҳия барои саҳми арзандаашон баҳри ободию пешрафти ин гӯшаи зебои диёр ва пазироии гарму самимӣ арзи сипос намуда, сокинони ноҳияро бо ҷашни бузургу муқаддаси умумимиллии дарпешистода — 25 — солагии Истиқлолияти давлатии Ҷумҳурии Тоҷикистон табрику таҳният гуфт.

Зимни таҳлилу баррасии дастовардҳои даврони соҳибистиқлолӣ Пешвои миллат муҳтарам Эмомалӣ Раҳмон таъкид дошт, ки мардуми сарбаланду ватандӯсти ноҳияи Мир Сайид Алии Ҳамадонӣ бо ҷонибдорӣ аз сиёсати созандаи Ҳукумати Ҷумҳурии Тоҷикистон ва бо дастгирии роҳбарияти давлату ҳукумат ба комёбиҳои назаррас ноил гардиданд.

МУФАССАЛ...

 

Қасри миллат

Qasr11Пойгоҳи интернетии байналмилалӣ – Theestle даҳгонаи зеботарин қасрҳои президентиро дар ҷаҳон раддабандӣ карда, Қасри Миллати Тоҷикистонро баъди Кохи Сафеди Амрико дар мақоми дуюм қарор додааст.

Тибқи раддабандӣ қасри Ақорда дар Остонаи Қазоқистон-ҷой савум, қасри Абу-Дабӣ- ҷойи 4-ум, қасри Прага-5-ум, Кремли Маскав-6-ум, қасри раисиҷумҳури Туркманистон дар Ашқобод-7-ум, қасри “Иттиҳод”-и Камерун-8-ум, кохи раисиҷумҳури Тайван-9-ум ва қасри раисиҷумҳури Гана дар ҷойи 10-ум қарор гирифтаанд.

Гузоришгарон таъкид мекунанд, ки дар бисёри кишварҳо кохи раисиҷумҳур бо санъати хоси меъморӣ бунёд гардида, ҷойи тамошобоб барои сайёҳон ва сокинони маҳаллӣ ба ҳисоб меравад.

 

 
 

Мулоқоти Пешвои миллат бо Раиси Ҷумҳурии Мардумии чин

27853701105 3c0aa9fd35 k23 июн Асосгузори сулҳу Ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар доираи иштирок дар ҷаласаи Шӯрои сарони давлатҳои аъзои Созмони ҳамкории Шанхай бо Раиси Ҷумҳурии Мардумии Чин Си Ҷинпин мулоқот кард.

Дар ҷараёни вохӯрӣ маҷмуъи васеи масоили ҳамкории Тоҷикистону Чин дар сатҳи дуҷониба ва ҳам дар чаҳорчӯби Созмони ҳамкории Шанхай баррасӣ гардид.

Аз сатҳи рушду густариши ҳамкорӣ, ки бо талошҳои муштарак ба даст меоянд, изҳори қаноат карда, Президенти Ҷумҳурии Тоҷикистон Эмомалӣ Раҳмон таъкид дошт, ки таҳкими муносибатҳои стратегию шарикӣ бо Ҷумҳурии Мардумии Чин аз самтҳои афзалиятноки сиёсати хориҷии давлати мо боқӣ хоҳад монд.

Ҷонибҳо рушди бемайлони ҳамкории гуногунҷанбаро дар бахшҳои сиёсӣ, иқтисодӣ, ҳарбӣ — техникӣ ва гуманитарӣ омили муҳими таъмини сулҳу субот дар минтақа арзёбӣ карданд.

Дар ҷараёни мулоқот масъалаҳои таҳкиму густариши робитаҳо дар бахшҳои иқтисодӣ, энергетика, ҷалби сармоя барои пешрафти иқтисодиёти Тоҷикистон, фаъолияти корхонаҳои муштарак, ҳамкорӣ дар бахши кишоварзӣ ба хотири содироти ҳарчи бештари маҳсулоти кишоварзӣ ба Чин ва дигар соҳаҳои барои ҳар ду ҷониб судманд баррасӣ карда шуд.

Зимни вохӯрӣ таъкид гардид, ки гардиши мол байни кишварҳо дар семоҳаи аввали соли 2016 беш аз 200 миллион долларро ташкил дод ва изҳори умед карда шуд, ки бо талошҳои якҷоя мумкин аст, ин нишондод то соли 2020 то ба 3 миллиард доллар расонда шавад.

Дарёфти роҳҳои маблағгузории сохтмону таҷдиди шоҳроҳи Душанбе — Кулоб — Хоруғ — Кулма – Қошғар, маблағгузории лоиҳаҳои нави бунёди хатҳои нави интиқоли барқ ва дигар тарҳҳои дорои аҳамияти минтақавӣ аз мавзуъҳои муҳими мулоқоти дуҷониба буд.

Дар вохӯрӣ ҳамчунин масъалаҳои муборизаи муштарак бо таҳдиди хатарҳои замони муосир ва дарёфти роҳҳои ҳалли муноқишаҳои сиёсӣ дар кишварҳои ҷангзада баррасӣ карда шуд.

 

Ҷаҳонгир Ҷалилов ҳунарнамоиашро дар футбол хотима дод

a-ongir -alilov24.06.2016 Чемпиони чоркаратаи Тоҷикистон дар ҳайати дастаи «Истиқлол»-и Душанбе муҳофизатгар Ҷаҳонгир Ҷалилов ба қароре омадааст, ки ҳунарнамоииашро дар майдонҳои футбол ба анҷом расонад.
Тавре сомонаи клуб иттилоъ медиҳад, Ҷаҳонгир дар бозии охирини худ дар ҳайати «Истиқлол» 26 июн дар вохӯрии дӯстона бо КФ «Локомотив»-и Маскав ба майдон меояд ва карйераи худро ҳамчун футболбоз бо ин бозӣ ба анҷом мерасонад. Ӯ гуфтааст: «Баъди ҳунарнамоии дуру дароз дар футбол бо сабабҳои вазъи саломатӣ ман бозии футболро як сӯ мегузорам ва ба ҳамаи мухлисону мураббиён ва ҳамдастаҳоям изҳори миннатдорӣ мекунам, ки бо ҳам будем».
Ёдовар мешавем, ки Ҷаҳонгир Ҷалилов аз соли 2009 дар ҳайати дастаи «Истиқлол» ҳунарнамоӣ карда, унвондори чемпиони чоркаратаи Тоҷикистон, соҳиби Ҷоми президенти КФО ва финалисти Ҷоми КФО мебошад.

 
 

Саҳифаи 7 аз 95

Back to Top