Хабар

Тамокӯкашӣ як навъи худкушист!

PDFПечать

sigarety 0Ҳамасола 31 май «Рӯзи байналмилалии бидуни тамокӯ» дар тамоми ҷаҳон қайд мешавад. Ба ин муносибат 28 майи соли равон Вазорати тандурустӣ ва ҳифзи иҷтимоии аҳолии Тоҷикистон дар якҷоягӣ бо Ташкилоти умумиҷаҳонии тандурустӣ таҳти унвони «Тамокӯ ва саломатии шуш» ҳамоишеро доир намуд.
Тамокӯкашӣ яке аз омилҳои хатари бемориҳои ғайрисироятӣ буда, айни замон дар тамоми ҷаҳон аз шумораи умумии аҳолии кураи замин 1 миллиард тамокӯ мекашанд. Ҳамасола аз тамокӯ беш аз 8 миллион нафар ба ҳалокат мерасанд. Инчунин 1 миллион мавридҳои ҳалокшавӣ бо сабаби нафаскашии дуди тамокӯи шахсони дигар ба қайд гирифта мешудааст.

Дар чорабинии «Тамокӯ ва саломатии шуш» Саида Умарзода, муовини якуми вазири тандурустӣ ва ҳифзи иҷтимоии аҳолии Тоҷикистон гуфт, ба ҷуз онки тамокӯкашӣ ба марг мерасонад, ҳамчунин зиёни иқтисодӣ ба хонаводаҳое мерасонад, ки узви тамокӯкаш доранд.
 
Олимони соҳаи тиб мегӯянд, кӯдаконе, ки дуди тамокӯи шахси сигоркашро нафас мекашанд, бо эҳтимоли зиёд, ба бемории диққи нафас гирифтор гардида, аз мавридҳои хуруҷи зуд-зуд ва шадиди зиққи нафас азият мекашанд.
Ҳакимахон Ахмедова, табиби роҳҳои нафас мегӯяд, ҳамеша ба онҳое, ки сигор мекашанд, таъкид менамоянд, ки сигор натанҳо ба саломатии онҳо, балки ба атрофиён низ зиёни бузург мерасонад.
 
Шахсони тамокӯ ва сигоркаш дар муқоиса бо шахсоне, ки аз тамокӯ истифода намебаранд, то 22 маротиба бештар метавонанд дар давоми ҳаёти худ ба бемории саратон дучор гарданд.
Аз ҳар 5 нафар шахси тамокӯкаш 1 нафар дар давоми ҳаёти худ бa бемории зиққи нафаси музмин ва ё вараму омоси эмфизема дучор мегардад, ки ин ба мушкилиҳои азиятноки нафаскашӣ оварда мерасонад.
Тамокӯкашӣ хавфи мубталошавӣ ба бемории силро бештар аз ду маротиба зиёд намуда, хатари ҳалокшавӣ аз халали роҳи нафаскаширо афзоиш медиҳад.
Суҳроб Воҳидов, сардори Раёсати амнияти санитарию эпидемиологӣ, ҳолатҳои фавқулодда ва кӯмаки фаврии тиббии Вазорати тандурустӣ ва ҳифзи иҷтимоии аҳолии Тоҷикистон мегӯяд, яке аз роҳҳои кам кардани истифодаи тамокӯ боло бурдани қимати он аст. Бинобар ин, гурӯҳи корие дар ин самт таъсис шуда, ин масъалларо мавриди омӯзиш қарор додааст.
 
Тоҷикистон аз рӯйи истеъмоли тамокӯ дар миёни кишварҳои иттиҳоди давлатҳои мустақил мақоми 9-ум ва дар байни кишварҳои Осиёи Марказӣ мақоми 3-юмро ишғол менамояд. Тибқи натиҷаи таҳқиқоти ахир 29,9 фисади аҳолии калонсол дар Тоҷикистон тамокӯ мекашанд, ки 25,7 дарсад мардон ва 2,2 дарсад занон будаанд.
Бино ба гуфтаи мутахассисони соҳа, ҳангоми истеъмоли тамокӯ он пеш аз ҳама, ба узвҳои нафаскашӣ дохил шуда, ба онҳо таъсири манфӣ мерасонад. Он моддаҳои зараровари бофтаҳои пардаи луобии роҳҳои нафасро заиф намуда, ба як қатор бемориҳои узвҳои нафас оварда мерасонад. Тамокӯкашӣ сабаби бемориҳои илтиҳоби найчаҳои шуш, саратони шуш, илтиҳоби пардаи луобии ковокии бинӣ ва дигар бемориҳои роҳи нафас мегардад.
Қонун «Дар бораи маҳдуд намудани истифодаи маҳсулоти тамокӯ» дар дохили бинову иншоот, инчунин дохили бино ва ҳудуди муассисаҳои тандурустӣ ва ҳифзи иҷтимоии аҳолӣ, муассисаҳои фарҳангӣ, варзишӣ, сайёҳӣ, динӣ ва илмиву таълимӣ, дохили биноҳои маъмурӣ, утоқҳои кории ташкилоти давлатӣ ва ғайридавлатӣ, дохили иншооти хӯроки умумӣ, ба мисли тарабхона, ошхона, чойхона, қаҳвахона, буфет, истироҳатгоҳ ва иншооте, ки дар онҳо чорабиниҳои фарҳангиву варзишӣ гузаронида мешаванд, меҳмонхона ва хобгоҳ, нақлиёти ҷамъиятӣ, аз ҷумла таксӣ, истгоҳҳои барои нақлиёти ҷамъиятӣ таҷҳизонидашуда, фурудгоҳ, истгоҳи роҳи оҳан, майдончаҳои кӯдакон, нақлиёти истифодаи шахсӣ, ки дар он кӯдакони то 16-сола ҳузур доранд, даромадгоҳи биноҳои истиқоматӣ, лифт, гузаргоҳҳои зеризаминӣ истифодаи маҳсулоти тамокӯро манъ кардааст.
Ҳуқуқшиносон нигаронӣ мекунанд, ки бинобар набудани тафсири дуруст аз маҳфуми “ҷойҳои ҷамъиятӣ” ҳанӯз ҳам дар кӯчаву истгоҳ ва дигар маконҳои серодам тамокӯкашӣ ба мушоҳида мерасад.
Ирина, директори Алянси мубориза бар зидди бемориҳои сироятӣ низ мегӯяд, бинобар дақиқ нагардидани “ҷойҳои ҷамъиятӣ” дар қонунгузорӣ баъзе авқот миёни кормандони ҳифзи ҳуқуқ ва шаҳрвандон, ки дар кӯча сигор мекашанд, баҳсҳо ба миён меояд.
 
Бархе ба ин назаранд, ки бештар дар мавриди зарари сигор гуфта мешавад ва эҳтимол нос зиёни камтаре дорад. Вале мутахассисон мегӯянд, агар дар як дона сигор то як миллиграмм никотин мавҷуд бошад, пас он дар як кашидании нос то 24 миллиграммро ташкил медиҳад.
Саида Умарзода, муовини якуми вазири тандурустӣ ва ҳифзи иҷтимоии аҳолӣ хабар медиҳад, ки тибқи натиҷаи таҳқиқоти олимони тоҷик нос низ инсонро ба чандин бемориҳои хатарнок гирифтор месозад.
Ёдовар мешавем, ки моҳи январи соли гузашта нашри нави Қонуни ҶТ “Дар бораи маҳдуд намудани истифодаи маҳсулоти тамокӯ” ба имзо расид, ки ҳадаф кам намудани истеъмоли маҳсулоти тамокӯ миёни аҳолӣ ва баланд бардоштани сатҳи солимии миллат, ҳифзи насли ҳозира ва оянда аз оқибатҳои ба саломатии аҳолӣ зараровар, инчунин оқибатҳои иҷтимоӣ, экологӣ ва иқтисодии истифодаи тамокӯ ва таъсири манфии он гуфта мешуд.

 Кабиров Сафарбег

 

Иштирок дар Ҷаласаи Шӯрои олии иқтисодии Авруосиёи Иттиҳоди иқтисодии Авруосиё

PDFПечать

2019-05-29erasec29 май дар шаҳри Нур-Султони Ҷумҳурии Қазоқистон Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба ҳайси меҳмони фахрӣ дар ҷаласаи Шӯрои олии иқтисодии Авруосиёи Иттиҳоди иқтисодии Авруосиё иштирок ва суханронӣ карданд.

Дар ҷаласа сарони давлатҳои аъзои иттиҳод - Арманистон, Беларус, Қазоқистон, Қирғизистон, Россия, инчунин Молдова чун давлати нозир ва Тоҷикистон ҳамчун меҳмони фахрӣ иштирок намуданд.

Зимни суханронии худ Президенти мамлакат муҳтарам Эмомалӣ Раҳмон пеш аз ҳама ба ҷониби Қазоқистон барои пазироии гарму самимӣ изҳори сипос намуданд.

Таъкид гардид, ки Тоҷикистон ва кишварҳои аъзои Иттиҳодро муносибатҳои зичи дӯстӣ ва ҳамкорӣ дар асоси дуҷониба ва ҳам дар ҷаҳорчуби ИДМ ва СААД ба ҳам мепайвандад. Рушди босамари муносибатҳои тиҷоратию иқтисодии кишварҳо исботи ин гуфтаҳост.

Сарвари давлат зикр карданд, ки масъалаи рушд ва таҳкими муносибатҳо бо шарикони Иттиҳод дар сиёсати хориҷии мо ҳамеша мақоми махсус дорад ва ҳоҳад дошт. Дар ин росто мо ба тавсеаи ҳамкории судманд бо давлатҳои ИДМ дар ҳамаи ҷанбаҳо, аз ҷумла дар соҳаи амният аҳамияти хоса медиҳем, таъкид доштанд Президенти мамлакат.

Зимни суханронӣ Президенти мамлакат зикр карданд, ки кишварҳои мо дар ҷаҳорчуби ҳамгироӣ дар мубориза бо таҳдиду хатарҳои амниятӣ, чун терроризм, экстремизм, ҷинояткории муташаккили трансмиллӣ, якҷо бо гардиши ғайриқонунии маводи мухаддир, иттифоқчии воқеъӣ мебошанд.

Дар охир Сарвари давлат муҳтарам Эмомалӣ Раҳмон бо итминон иброз доштанд, ки мо метавонем бо дарёфти роҳҳои хуби таъмини рушди иқтисодиву иҷтимоии кишварҳо дар ҳалли вазифаҳои бузург дар ҳамаи самтҳо, муваффақ гардем.

 

Боздид аз намоишгоҳи маҳсулоти кишоварзии хоҷагиҳои ёрирасони назди Қӯшунҳои сарҳадӣ

PDFПечать

2019-05-28kushunho namoishgohДар идомаи боздиди корӣ дар Маркази таълимии «Пойтахт»-и Қӯшунҳои сарҳадии Кумитаи давлатии амнияти миллии Ҷумҳурии Тоҷикистон, Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо Раиси шаҳри Душанбе муҳтарам Рустами Эмомалӣ аз намоишгоҳи маҳсулоти кишоварзии хоҷагиҳои ёрирасони назди Қӯшунҳои сарҳадии мамлакат дидан карданд.

Иттилоъ дода шуд, ки дар давраи кишти тирамоҳии маҳсулот соли 2018 дар масоҳати умумии 215 гектар замин пиёзу картошкаи баҳорӣ ва ҷаву гандум кошта шуд. Баҳори имсол бошад, кишту парвариши кадуву лаблабу, караму сабзӣ, пиёзу картошкаи тирамоҳӣ ва дигар сабзавот дар масоҳати 114 гектар замин гузаронида шуд. Имрӯзҳо хоҷагиҳои ёрирасони Қӯшунҳои сарҳадии Кумитаи давлатии амнияти миллии Ҷумҳурии Тоҷикистон дар шаҳру ноҳияҳои Лахш, Ховалинг, Рӯшон, Ишкошим, Панҷакент, Исфара ва Кӯҳистони Мастчоҳ амал мекунанд, ки дар онҳо истифодаи мақсадноки неъматҳои табиӣ ба таври матлуб ба роҳ монда шудааст.

МУФАССАЛ...

 
 

Мулоқот бо Вазири мудофиаи Федератсияи Россия Сергей Шойгу

PDFПечать

2019-05-28ru md28 май дар Қасри миллат Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон Вазири мудофиаи Федератсияи Россия Сергей Шойгуро ба ҳузур пазируфтанд.

 Дар ҷараёни мулоқот масъалаҳои муҳими ҳамкории ду кишвар мавриди баррасӣ қарор дода шуд.

Президенти мамлакат муҳтарам Эмомалӣ Раҳмон таъкид доштанд, ки рушди минбаъдаи маҷмуъи муносибатҳои шарикии стратегии Тоҷикистону Россия яке аз афзалиятҳои асосии сиёсати хориҷии давлати мо мебошад.

Ҷонибҳо масъалаҳои ҳамкории ҳарбӣ ва ҳарбӣ-техникӣ, вазъ ва дурнамои ҳамгироии кишварҳо дар ин соҳаҳоро баррасӣ карданд.

Дар ҷараёни мулоқот ҳамчунин мавзуъҳои мубрами мавриди таваҷҷуҳи ҷонибҳо, аз ҷумла масъалаи таъмини амният муҳокима карда шуд.

 

 

Хуан Гуайдо бо Николас Мадуро оштӣ мекунад?

PDFПечать

ХуанТалошҳои дипломатҳои Норвегия барои миёнҷигирӣ байни давлат ва мухолифони Венесуэла заминаи гуфтугӯи мустақими намояндагони онҳоро фароҳам сохтааст. Гуфта мешавад намояндагони Хуан Гуайдо ва Николас Мадуро рӯзҳои наздик дар Норвегия бо ҳам дидор ва гуфтугӯ намоянд.
Хуан Гуайдо, президенти худхондаи Венесуэла, эълон кардааст, ки намояндаашро барои музокира ба Осло хоҳад фиристод.

 
 

Саҳифаи 3 аз 101

Back to Top